ma denişkar u nışanê xo kerd
na rae ki veyvey xo kenime.
şıma nas u dostan rê sılaiya
cıwenê ma hirao
bêrê, pia sımsıme kay bıkerime.
***
bêzar mendime zugırtçiyine ra
ezebine ra porê ma rışiya
derd u khulê ma bi zêde
dormey xo de zele-mele wazenime
hêrs biyme, veyvey xo kenime
bêrê, pêro pia şa bime, bıreqesime.
***
nıka zımıstan yeno
teyna rakewtene serdo
ma denişkar u nışanê xo kerdo
şıma dostan rê momia
roca ezebina peyêne de ma teyna ca meverdê
şıma rê sılaiya, bêrê pia bıreqesime, kay kerime
***
ezebine êndi besa
ez teyna mendan, biyan veyşan u teyşa’
xo rê jewê da rındeke diya
zerri verdê jewbini ma pia
ma u piyê ma riyê ma rê huyiya
şıma rê sılaiya, bêrê veyvey ma
***
ma zerri verdê jewbini pia
pırosiyayme jewbini ro
riyê ma u piyê ma huyiya
dost u omedanê ma rê,
weret u merdumanê ma rê sılaiya!
ebe keyf u ref bêrê veyvey ma,
roca ezebina peyêne de, bıreqesime, kay kerime, pia!
***
nas u dostenê
der u ciranenê (emberiyanenê)
bıra u waenê
ewro veyvey ma beno
şıma rê sılaiya
***
ma u piyê veyvıke (gelinin annesi)
ma u piyê zamay (damadın annesi ve babası)
Roce / Tarih
Saete / Saat
Ca / Yer
kewraine/sunet:
nas u dostenê,
der u ciranenê,
bıra u waenê,
ma u piyê xo rê mınet u reca kenan
kewraina mı bıkerê
şıma rê sılaiya,
kewraina mı de hazır bê
***
domaniye ra veciyawan
mı xo rê kewraê do xırt diyo
ezebine wazeno
ma u piyê xo ra reca u mınete kerde
kewraina mı kenê
merduman rê sılaiya
bêrê kewraina mı.
***
ez ameyan dina, biyan derguş
bul kerd feteliyawan, biyan phıt
domanan de kay kerd, biyan luk
wextê ezebine nezdiyo
mı xo rê kewra diyo
kes mı ra meherediyo/memıradiyo
ma u piyê mı kewraina mı keno
nasanê mı rê sılaiya.
Çıme: Heyder (Ware, amar 9, Gucige 1996)
